போலந்தில் வணிக வளாகத்தில் பயங்கர தீ விபத்து... ஆயிரத்திற்கும் மேற்பட்ட கடைகள் எரிந்து சாம்பல்

போலந்தில் வணிக வளாகத்தில் ஏற்பட்ட பயங்கர தீ விபத்தில் ஆயிரத்திற்கும் மேற்பட்ட கடைகள் எரிந்து சாம்பலாயின. போலந்து தலைநகர் வார்ஷாவில் உள்ள மேரிவில்ஸ்கா 44 ஷாப்பிங் சென்டர் என்ற வணிக வளாகத்தில் ஆயிரத்து 400க்கும் கடைகள் உள்ளன. இங்கு திடீரென ஏற்பட்ட தீ விபத்தில், அங்கிருந்த கடைகள் அனைத்தும் தீ பிடித்து, கரும்புகை வெளியேறியது. அங்கு பணியில் இருந்த அனைவரும் உடனடியாக வெளியேறியதால், யாருக்கும் காயம் ஏற்படவில்லை. அதே நேரத்தில் 80 விழுக்காடு கடைகள் முற்றிலும் தீயில் எரிந்து சாம்பலாயின. தீயை அணைக்கும் பணியில் 200க்கும் மேற்பட்ட தீயணைப்பு வீர‌ர்கள் ஈடுபட்டுள்ளனர்.