வாகனங்களை வழிமறித்த காட்டு யானைகள் - யானைகளால் வாகன ஓட்டிகள் அச்சம்
சத்தியமங்கலம் அருகே சோதனைச்சாவடியில் காட்டு யானைகள் வாகனங்களை வழிமறித்ததால் வாகன ஓட்டிகள் அச்சமடைந்தனர்.
ஈரோடு மாவட்டம் அருகே தமிழக கர்நாடக எல்லையில் காரப்பள்ளம் சோதனைச் சாவடி உள்ளது. இன்று அதிகாலை, இந்தப் பகுதியில் முகாமிட்டிருந்த காட்டுயானைகள் அவ்வழியாக சென்ற வாகனங்களை வழிமறித்தன.
மேலும், சாலையின் குறுக்கே அங்கும் இங்கும் யானைகள் சென்றதால் வாகன ஓட்டிகள் அச்சமடைந்தனர்.
இதனால், சுமார் 30 நிமிடங்கள் போக்குவரத்து பாதிக்கப்பட்டது.