டிஎன்பிஎஸ்சி எழுதிய நபர்களுக்கு அடுத்த முக்கிய அப்டேட்..! கவனமாக நோட் பண்ணிக்கோங்க | TNPSC

தமிழக அரசு துறைகளில் ஒன்பதாயிரம் காலி பணியிடங்களை நிரப்ப, கலந்தாய்வு அறிவிக்கப்படும் என டிஎன்பிஎஸ்சி தலைவர் பிரபாகர் தெரிவித்துள்ளார்.

நான்கு மாதங்களுக்கு முன்பு நடைபெற்ற குரூப் 4 போட்டி தேர்வை 15 லட்சம் பேர் எழுதிய நிலையில், இதன் முடிவுகள் கடந்த வாரம் வெளியிடப்பட்டன. விண்ணப்பதாரர்கள், சான்றிதழ் நகல்களை அரசு பணியாளர் தேர்வாணைய இணையதளத்தில் தற்போது பதிவேற்றம் செய்து வருகின்றனர். விண்ணப்பதாரர்கள் சான்றிதழ்களை பதிவேற்றம் செய்யும் பணியை முடித்த பிறகு, குரூப் 4 தேர்வு வேலை வாய்ப்புகளுக்கான தேர்வு பட்டியல் மற்றும் கலந்தாய்வுக்கான அட்டவணை வெளியிடப்படும் என்று டி.என்.பி.எஸ்.சி தலைவர் பிரபாகர் தெரிவித்துள்ளார். கலந்தாய்வு நடந்து முடிந்ததும், இட ஒதுக்கீடு மற்றும் மதிப்பெண் அடிப்படையில் 9 ஆயிரம் பேர் தேர்வு செய்யப்பட்டு, அரசு பணிகளில் சேர்வதற்கான உத்தரவுகள் வழங்கப்பட உள்ளன.