இந்த வீடுகள் தான் டார்கெட்..! டிவி முதல் தங்கம் வரை எதையும் விடமாட்டோம்.. நூதன கொள்ளையர்கள் கைவரிசை!

போடி நாயக்கனூர், கிருஷ்ணாநகரில் வசித்து வரும் ஓய்வு பெற்ற மின்வாரிய ஊழியர் முருகராஜ் மற்றும் மகாலட்சுமி நகரில் வசித்து வரும் அன்னலட்சுமி என்பவரின் வீட்டிலும் ஒரே நாளில் கொள்ளயடிக்கப்பட்டுள்ளன. இதில், முருகராஜ் வீட்டில் எல்.இ.டி டிவி மற்றும் வெள்ளி பொருட்களும், அன்னலட்சுமியின் வீட்டில் 20 சவரன் தங்க நகைகளும் திருடப்பட்டது தெரியவர, சம்பவ இடத்தில் மோப்பநாயுடன் போலீசார் விசாரணை நடத்தினர். ஒரே நாளில் இரு வீடுகளில் கொள்ளையர்கள் கைவரிசை காட்டிச் சென்ற இந்த சம்பவம் போடி மற்றும் அதன் சுற்றுவட்டார பகுதிகளில் பரபரப்பை ஏற்படுத்தியுள்ள நிலையில், சிசிடிவி காட்சிகளின் அடிப்படையில் கொள்ளையர்களை போலீசார் தேடி வருகின்றனர்