செங்கல்பட்டு மாவட்டம் கோவளம் கடற்பகுதியில், தடை செய்யப்பட்ட சுருக்கு வலையை பயன்படுத்தி இரண்டு படகுகளில் மீன் பிடித்த கோகிலா மேடு மீனவர்களை, கோவளம் பகுதி மீனவர்கள் மடக்கி பிடித்துள்ளனர். தொடர்ந்து சுருக்கு வலைகளை பறிமுதல் செய்த போது, கோகிலாமேடு பகுதி மீனவ மக்களுக்கும், கோவளம் பகுதி மக்களுக்கும் மோதல் ஏற்படும் சூழல் ஏற்பட்டுள்ளது. தொடர்ந்து வலையையும், 2 படகுகளையும் கோவளம் மீனவர்கள் அதிகாரிகளிடம் ஒப்படைத்த நிலையில், அவற்றை கோகிலா மேடு பகுதி மீனவர்களிடம் அவர்கள் ஒப்படைத்துள்ளனர். இதுதொடர்பாக பேசிய அதிகாரிகள், வரும் 5-ம் தேதி இதுதொடர்பாக இரு தரப்பு மீனவர்களிடமும் பேச்சுவார்த்தை நடத்தவுள்ளதாக தெரிவித்தனர்.