பொங்கல் பண்டிகையை முன்னிட்டு சிறப்பு பேருந்துகள் இயக்குவது தொடர்பான அறிவிப்பு வரும் 8-ஆம் தேதி வெளியாக உள்ளது.
சென்னை போன்ற நகரங்களில் இருந்து ஏராளமானோர் பொங்கல் பண்டிகையை கொண்டாடுவதற்காக, தங்கள் சொந்த ஊருக்குச் செல்வதால், ஆண்டுதோறும் சிறப்பு பேருந்துகள் இயக்கப்படுகின்றன. இந்நிலையில், இந்த ஆண்டு பொங்கல் பண்டிகைக்கு சிறப்பு பேருந்துகள் இயக்கப்படுவது தொடர்பாக, சென்னையில் போக்குவரத்து துறை அமைச்சர் சிவசங்கர் தலைமையில் வரும் 8-ஆம் தேதி ஆலோசனைக் கூட்டம் நடைபெற உள்ளது. இந்த கூட்டத்துக்குப் பிறகு, பொங்கல் பண்டிகைக்கு இயக்கப்படும் சிறப்பு பேருந்துகள் தொடர்பான அறிவிப்பு வெளியாக உள்ளது. பொங்கலை முன்னிட்டு 100 புதிய பேருந்துகளை முதலமைச்சர் தொடங்கி வைக்க உள்ளார்.