திருச்சியில், கடையின் கதவை உடைத்து முதியவர் ஒருவர் திருட்டில் ஈடுபட்ட சம்பவம், கண்காணிப்பு கேமராவில் பதிவாகியுள்ளது..மண்ணச்சநல்லூர் அருகே ஈச்சம்பட்டி பகுதியைச் சேர்ந்தவர் குட்டிமணி. மாற்றுத்திறனாளியான இவர் அதே பகுதியில் பெட்டிக்கடை நடத்தி வருகிறார். இந்நிலையில், நள்ளிரவு நேரத்தில் இவரது கடையின் கதவை உடைத்து நுழைந்த முதியவர் ஒருவர், கடையில் இருந்த கல்லாப்பெட்டியை திருடிச் சென்றார். தீக்குச்சி வெளிச்சத்தில் முதியவர் திருடும் காட்சி, கண்காணிப்பு கேமராவில் பதிவாகியுள்ளது. இச்சம்பவம் தொடர்பாக போலீசார் வழக்கு பதிவு செய்து விசாரணை மேற்கொண்டு வருகின்றனர்.