நாகர்கோவிலில் ஆண்- பெண் யாசகர்கள் மோதிக்கொண்ட சம்பவம் பரபரப்பை ஏற்படுத்தி உள்ளது. நாகர்கோவிலில் தொழில் போட்டி காரணமாக யாசகர்கள் அவ்வப்போது பொதுவெளியில் மோதிக்கொள்ளும் சம்பவங்கள் அரங்கேறி வருகின்றன. இந்நிலையில், நாகர்கோவில் காவல் கண்காணிப்பாளர் அலுவலக சாலையில் ஒரு ஆண் யாசகருக்கும் பெண் யாசகருக்கும் இடையே வாய்தகராறு ஏற்பட்டு, இருவரும் தாக்கிக் கொண்டனர். அங்கு பாதுகாப்பு பணியில் இருந்த பெண் காவலர் ஓடிச்சென்று, சண்டையை தடுத்து சமாதானப்படுத்தி அனுப்பி வைத்தார். இந்த வீடியோ காட்சி, சமூக வலைதளத்தில் வைரலாகி வருகிறது.