கஞ்சா போதையல் தலைக்கேறிய வெறி..பெற்ற தாயை நடு வீட்டில் புதைத்த அரக்கன் -குலை நடுங்க வைக்கும் சம்பவம்

கடலூர் அருகே, கஞ்சா குடிப்பதற்கு பணம் தர மறுத்த தாயை கொலை செய்து, வீட்டில் புதைத்து நாடகம் ஆடிய மகனை போலீசார் கைது செய்தனர்.

 ஆவினங்குடி அருகே தொளார் கிராமத்தை சேர்ந்தவர் கஸ்தூரி.

இவரது மகனான சேவாக் என்பவர், மது மற்றும் கஞ்சா போதைக்கு அடிமையானதாக சொல்லப்படுகிறது. இந்த நிலையில், தனது தாய் கஸ்தூரியை காணவில்லை என சேவாக், உறவினர்களிடம் கூறியுள்ளார்.

அதனைக் கேட்டு அதிர்ச்சி அடைந்த உறவினர்கள், வீட்டில் வந்தபோது, துர்நாற்றம் வீசியுள்ளது. இதுகுறித்து உறவினர்கள் கேட்டதற்கு, சேவாக் முன்னுக்குப்பின் முரணாக பதிலளித்துள்ளார்.

தகவலின் பேரில் வந்த போலீசார், விசாரணை நடத்தியபோது, வீட்டிற்குள் கஸ்தூரியின் உடல் புதைக்கப்பட்டிருப்பதைக் கண்டு அதிர்ச்சி அடைந்தனர்.

இதுதொடர்பாக சேவாக்கிடம் விசாரித்தபோது, கஞ்சா வாங்க பணம் கொடுக்காததால், தாயை அடித்துக் கொன்றதும், கொலையை மறைக்க தாயை காணவில்லை என நாடகமாடியதும் அம்பலமானது. அதனைத் தொடர்ந்து சேவாக்கை போலீசார் கைது செய்தனர்.