ஜம்மு-காஷ்மீர் சட்டமன்றத் தேர்தலில் அமோக வெற்றி பெற்றதை முன்னிட்டு, காங்கிரஸ்-தேசிய மாநாட்டுக்கட்சி கூட்டணி மற்றும் ஜம்மு-காஷ்மீர் மக்களுக்கு முதலமைச்சர் மு.க.ஸ்டாலின் வாழ்த்து தெரிவித்துள்ளார். இது இந்தியா கூட்டணிக்கும், ஜனநாயகத்திற்கும் கிடைத்த வெற்றியை விட அதிகம் என்றும் குறிப்பிட்டுள்ளார். மத்திய பா.ஜ.க அரசு அநியாயமாக பறித்த ஜம்மு-காஷ்மீரின் கண்ணியம் மற்றும் மாநில அந்தஸ்த்தை மீட்டெடுப்பதற்கான விருப்பத்தை நிறைவேற்றுவதற்கான ஆணை இது என்றும் முதலமைச்சர் தெரிவித்துள்ளார். ஒவ்வொரு காஷ்மீரியின் நம்பிக்கையை மதிக்கும் நியாயமான மற்றும் உள்ளடக்கிய எதிர்காலத்தின் தொடக்கத்தைக் குறிக்கும் தருணம் இது என்றும் முதலமைச்சர் ஸ்டாலின் தெரிவித்துள்ளார்.