இளைஞர் மீது ஏறிய பஸ்.. பதற்றமே இல்லாமல் டிரைவர், க்ளீனர் செய்த செயல்.. கோவையில் பகீர்

மேட்டுப்பாளையம் பேருந்து நிலையம் அருகே தனியார் சுற்றுலா பேருந்து ஒன்று, அடையாளம் தெரியாத இளைஞர் மீது ஏறி இறங்கியது. இதனால், படுகாயம் அடைந்த இளைஞர் சாலையில் துடித்து கொண்டிருந்தார். அப்போது, பேருந்தில் இருந்து இறங்கிய டிரைவர் மற்றும் கிளீனர், துடித்து கொண்டிருந்த நபரை தூக்கி சாலை ஓரமாக வைத்தனர். பிறகு பேருந்தை இயக்கி, அந்த இடத்தை விட்டும் சென்றனர். இதனால், இளைஞர் பரிதாபமாக உயிரிழந்தார். இதுகுறித்து, காவல்துறையினர் நடத்திய விசாரணையில், ஓட்டுநரும் கிளீனரும் சுற்றுலா பேருந்தை ஊட்டியில் நிறுத்தி வைத்துவிட்டு தலைமறைவானது தெரியவந்தது. இந்நிலையில், சுற்றுலா பேருந்தை பறிமுதல் செய்த போலீசார், தலைமறைவான நபர்களை தேடும் பணியிலும் ஈடுபட்டுள்ளனர். அடையானம் தெரியாத இளைஞர் குறித்தும் விசாரிக்கப்பட்டு வருகிறது.