பயிரை மேய்ந்த வேலி... இளம் பெண்ணிடம் அத்துமீறிய போலீஸ்..? - சென்னையில் அதிர்ச்சி

ஞாயிறு அன்று சென்னை சைதாப்பேட்டை ரயில்வே நிலையத்தில் அமர்ந்து பேசிக் கொண்டிருந்த இளம் பெண் மற்றும் அவரது நண்பர்களை, சைதாப்பேட்டை காவல் நிலைய காவலரான கமலக்கண்ணன் ஆபாசமாக பேசி மிரட்டி, பெண்ணிடம் தவறாக நடந்து கொண்டதாக கூறப்படுகிறது. இது தொடர்பாக அந்த பெண் கொடுத்த புகாரின் பேரில், மூன்று பிரிவுகளின் கீழ் சைதாப்பேட்டை ரயில்வே போலீசார் வழக்கு பதிவு செய்து, காவலர் கமலக்கண்ணனை தீவிரமாக தேடி வருகின்றனர். அவரை பிடிப்பதற்காக நான்கு தனிப்படைகள் அமைத்து சிசிடிவி காட்சிகளை வைத்து தீவிரமாக தேடி வருகின்றனர்.