தாறுமாறாக வந்த சொகுசு கார்.. ஓரம் நின்ற ஆட்டோ மேல் ஒரே இடி - "7 பேர்..." - சென்னையில் பயங்கரம்

சென்னையில், வேகமாக வந்த சொகுசு கார் மோதிய விபத்தில், பேருந்தில் ஏறுவதற்கு காத்திருந்த 5 பெண்கள் உட்பட 7 பேர் காயமடைந்தனர்.

திரிசூலம் பேருந்து நிலையம் அருகே பேருந்துக்காக பயணிகள் காத்திருந்தனர். அப்போது, வேகமாக வந்த பி.எம்.டபிள்யூ கார் மோதியதில் 5 பெண்கள் உட்பட 7 பேர் காயமடைந்தனர். கன்னியாகுமரியை சேர்ந்த கண்ணன் என்பவர், ஓட்டுநர் ரஞ்சித்துடன் நுங்கம்பாக்கத்தில் இருந்து பல்லாவரத்தில் உள்ள நண்பரை பார்க்க காரில் வந்துள்ளார். திரிசூலம் சிக்னல் அருகே காரை வேகமாக ஓட்டியபோது, பேருந்துக்கு காத்திருந்த பெண்கள், சாலையை கடந்த கணவன்-மனைவி மற்றும் ஆட்டோவில் வந்த நபர் மீது மோதியது. காயமடைந்தவர்களை பொதுமக்கள் மீட்டு மருத்துவமனைக்கு அனுப்பி வைத்தனர்.