நாடுமுழுவதும் தேடும் பிரபல கொள்ளையர்களை தட்டி தூக்கிய சிவகங்கை போலீஸ் - விசாரணையில் பகீர் தகவல்கள்

நாடுமுழுவதும் தேடும் பிரபல கொள்ளையர்களை தட்டி தூக்கிய சிவகங்கை போலீஸ் - விசாரணையில் பகீர் தகவல்கள்

நாடு முழுவதும் 140 க்கும் மேற்பட்ட கொள்ளையில் ஈடுபட்ட பிரபல கொள்ளையர்களை போலீசார் கைது செய்து, திருடிய பொருட்களை மீட்டுள்ளனர்.

சிவகங்கை மாவட்டம் திருப்பத்தூர் அருகே கண்டரமாணிக்கத்தில் கடந்த மாதம் 49 பவுன் தங்க நகை மற்றும் 23 கிலோ வெள்ளி நகைகள் திருடப்பட்டது. இதுதொடர்பாக 2 நபர்களை பிடித்து போலீசார் விசாரித்தனர். ஒருவர் மதுரையை சேர்ந்த அழகர்சாமி என்பதும், மற்றொருவர் சோனிராஜா என்பதும் தெரியவந்தது. இருவரையும் கைது செய்து, 43 பவுன் தங்க நகைகள் மற்றும் 15 கிலோ வெள்ளி பொருட்களை மீட்டனர். சோனி ராஜா மீது கேரளா, ஆந்திரா, தெலங்கானா, தமிழ்நாடு உட்பட நாடுமுழுவதும் 140 வழக்குகள் பதிவாகியுள்ளது தெரிவந்துள்ளது.