"வராதீங்க.. வராதீங்க.." மீறி வந்தவரை பைக்கோடு அடித்து தூக்கிய மழை வெள்ளம் - அதிர்ச்சி வீடியோ

"வராதீங்க.. வராதீங்க.." மீறி வந்தவரை பைக்கோடு அடித்து தூக்கிய மழை வெள்ளம் - அதிர்ச்சி வீடியோ

கோபிசெட்டிப்பாளையம் அருகே நம்பியூரில் கனமழையால் ஏற்பட்ட திடீர் வெள்ளப்பெருக்கில் இருசக்கர வாகனத்துடன் ஒருவர் சிக்கியது அதிர்ச்சியை ஏற்படுத்தியுள்ளது. நம்பியூர் பழனிகவுண்டர்புதூர் - கெடாரை செல்லும் வழியில், தரைமட்ட பாலத்தை மூழ்கடித்து வெள்ளம் பாய்ந்தோடியது. அப்போது, ஆபத்தை உணராமல் ஒருவர் இருசக்கர வாகனத்தில் கடக்க முயன்றார். வெள்ளத்தில் அடித்துச் செல்லப்பட்டு இருசக்கர வாகனத்துடன் விழுந்த நபரை, அங்கு இருந்தவர்கள் கயிறு கட்டி அவரை மீட்டனர். அதே நேரத்தில், நம்பியூர் பருத்திக்காட்டுபாளையம் பகுதியில் புதிதாக கட்டப்பட்டு வந்த தடுப்புச் சுவர் நீரில் அடித்துச் செல்லப்பட்டது.