ராணிப்பேட்டை மாவட்டம் அரக்கோணத்தில், அரசு தொடக்கப்பள்ளி வளாகத்தில் மழைநீர் தேங்கியதால் மாணவர்களுடன், பெற்றோர் சாலை மறியலில் ஈடுபட்டனர். மோசூர் ஊராட்சி ஒன்றிய தொடக்கப்பள்ளி வளாகத்தில், நேற்று இரவு பெய்த மழையால் மழைநீர் தேங்கியது. வழக்கம் போல் பள்ளி சென்ற மாணவர்கள், வகுப்பறைக்கு செல்ல முடியாமல் தவித்ததையடுத்து, பள்ளிக்கு விடுமுறை அளிக்கப்பட்டுள்ளது. இதனால் குழந்தைகளின் கல்வி பாதிக்கப்படுவதாக கூறிய பெற்றோர்கள், மாணவர்களுடன் சாலை மறியலில் ஈடுபட்டனர்.