திமுக நிறுவனரும் தமிழகத்தின் முன்னாள் முதல்வருமான அண்ணாவின் நினைவைப் போற்றி வணங்குவதாக தமிழக பாஜக தலைவர் அண்ணாமலை கூறியுள்ளார். இது தொடர்பாக எக்ஸ் தளத்தில் பதிவிட்டுள்ள அண்ணாமலை, தமிழகம் கண்ட எளிமையான தலைவர்களில் ஒருவரான அண்ணா, மதுவிலக்குக் கொள்கையில் உறுதியாக இருந்தவர் என்றும், தான் தொடங்கிய கட்சியில் கூட, தனக்குப் பின் தனது வாரிசுகள் வர வேண்டும் என்பதை விரும்பாதவர் என்றும் குறிப்பிட்டுள்ளார். அண்ணாவின் நினைவு நாளில் அவரது நினைவைப் போற்றி வணங்குவதாகவும் அண்ணாமலை தெரிவித்துள்ளார்.