நடந்து சென்றவரை முட்டிய காளை...ரத்தம் சொட்ட சொட்ட சரிந்த குடல்..சென்னையில் அதிர்ச்சி சம்பவம்

பழவந்தாங்கல் பி.வி நகர் 2வது குறுக்கு தெருவை சேர்ந்த 51 வயதான கண்ணன் நேற்று இரவு 7 மணி அளவில் நேரு நெடுஞ்சாலையில் நடந்து சென்றார். அப்போது ஆக்ரோஷமாக துள்ளியபடி வந்த மாடு ஒன்று கண்ணனின் வயிற்றில் முட்டியதில், கொம்பு குத்தி குடல் சரிந்து மயங்கி விழுந்ததார். இதை பார்த்த அக்கம் பக்கத்தினர் மாட்டை கட்டையால் அடித்து விட்டு ஆம்புலன்ஸ் மூலம் கண்ணனை குரோம்பேட்டை அரசு மருத்துவமனைக்கு சிசிக்சைக்காக அனுப்பி வைத்தனர். காளை மாடு வெறியோடு சுற்றி திரிவதாக மாநகராட்சிக்கு அப்பகுதியினர் புகார் செய்தனர். இதையடுத்து 3 மணி நேர போராட்டத்திற்கு மாநகராட்சி ஊழியர்கள், மாட்டை மடக்கி பிடித்தனர். தகவல் அறிந்த மாநகராட்சி ஆணையர் ராதாகிருஷ்ணன் சம்பவ இடத்திற்கு வந்து பிடிப்பட்ட மாட்டை பார்த்தார். அப்போது பொது மக்கள் நங்கநல்லூர், பழவந்தாங்கல் பகுதிகளில் அதிக அளவில் மாடுகள் சுற்றி திரிவதாக புகார் செய்தனர். சாலையில் சுற்றி திரியும் மாடுகளை பிடிக்க உரிய நடவடிக்கை எடுக்க அதிகாரிகளுக்கு உத்தரவிட்டார்.