போடியில் பரபரப்பு..! நாட்டு மாடு வளர்ப்போர் திடீர் சாலை மறியல்

போடி அருகே கரட்டுப்பட்டியில் நாட்டு மாடுகளுடன் மாடு வளர்ப்பவர்கள் சாலை மறியலில் ஈடுபட்டதால் பரபரப்பு ஏற்பட்டது. அம்பரப்பர், கரட்டுப்பட்டி, குரங்கணி, போடிமெட்டு மலை அடிவாரப் பகுதிகளில் மாடுகளை மேய்ப்பதற்கு, பாஸ் வழங்க வனத்துறை மறுத்து வருகிறது. இதைக் கண்டித்து, போடி வட்டாட்சியர் அலுவலகத்தை முற்றுகையிட, கரட்டுப்பட்டியில் இருந்து 600க்கும் மேற்பட்ட மாடுகளுடன் மாடு வளர்ப்போர் புறப்பட்டனர். அவர்களை போலீசார் தடுத்த‌தால் சாலை மறியலிலும் ஆர்ப்பாட்டத்திலும் ஈடுபட்டனர். இதையடுத்து, அதிகாரிகளிடம் பேசி நடவடிக்கை எடுக்கப்படும் என போலீசார் உறுதி அளித்த‌தால் அவர்கள் கலைந்து சென்றனர்.