"எனது உருவம் பஞ்சாப் என்றாலும், இதயம் தமிழ் தான்" - கவுன்சிலர் பதவிக்கு போட்டியிடும் பஞ்சாப் சிங்

கோவையில் கவுன்சிலர் பதவிக்கு போட்டியிடும் பஞ்சாப் மாநிலத்தவருக்கு,  வாக்கு கேட்டு திரை பிரபலங்கள் வீடியோ வெளியிட்டுள்ளனர். 

கோவை ஆர்.எஸ்.புரம் பகுதியை சேர்ந்தவர் டோனி சிங். பஞ்சாப் மாநிலத்தை பூர்விமாக கொண்ட இவர்,  கோவை பாப்பநாயக்கன் பாளையம் பகுதியில் எலக்ட்ரானிஸ் பொருட்கள் விற்பனை செய்யும் கடை நடத்தி வருகிறார். தற்போது, டோனி சிங், கோவை மாநகராட்சிக்கு உட்பட்ட 71 வது வார்டில் சுயேட்சை வேட்பாளராக களம் இறங்கியுள்ளார். இதன்படி, பஞ்சாபை சேர்ந்த ஒருவர் உள்ளாட்சி தேர்தலில் போட்டியிடுவது இதுவே முதல்முறை. தேர்தலில் போட்டியிடுவது குறித்து டோனி சிங் கூறுகையில்,  எனது உருவம் பஞ்சாப் என்றாலும், இதயம் தமிழ் தான் என்றும்,  தனக்கு வாழ்வு அளித்த தமிழ் மண்ணிற்கு கைமாறு செய்ய வேண்டும் எனவும் தெரிவித்தார். இதற்கிடையே,  டோனி சிங்கிற்கு நடிகர்கள் பாக்யராஜ் மற்றும் நிழல்கள் ரவி ஆகியோர் வாக்கு கேட்டு வீடியோ வெளியிட்டுள்ளனர்.