ஆகஸ்ட் 18-ஆம் தேதி வகுப்புகள் - பொறியியல் கல்லூரிகளுக்கு உத்தரவு

ஆகஸ்ட் 18ஆம் தேதி முதல் வகுப்புகள் தொடங்க வேண்டும் என, பொறியியல் கல்லூரிகளுக்கு அண்ணா பல்கலைக்கழகம் உத்தரவிட்டுள்ளது. 

இது தொடர்பாக வெளியிடப்பட்டுள்ள சுற்றறிக்கையில், இந்த ஆண்டுக்கான முதல் பருவ வகுப்புகள் ஆகஸ்ட் 18இல் தொடங்கி, நவம்பர் மாதம் 30ஆம் தேதி வரை நடத்த வேண்டும் என, குறிப்பிடப்பட்டுள்ளது. டிசம்பர் மாதம் 2ஆம் தேதி செய்முறை தேர்வுகளை நடத்த வேண்டும் என தெரிவித்துள்ள பல்கலைக்கழகம், டிசம்பர் 13இல் பருவத் தேர்வுகள் தொடங்க வேண்டும் என, கேட்டுக்கொண்டுள்ளது. மேலும், 2022ஆம் ஆண்டு ஜனவரி மாதம் 19ஆம் தேதி முதல், அடுத்த பருவத்துக்கான வகுப்புகளை தொடங்க வேண்டும் என பொறியில் கல்லூரிகளுக்கு அண்ணா பல்கலைக்கழம் அறிவுறுத்தியுள்ளது.