"முதலமைச்சரின் ஆய்வு கூட்டத்தை புறக்கணிப்பேன்"- திமுக எம்.எல்.ஏ., சுரேஷ் ராஜன் தகவல்

முதலமைச்சர் பங்கேற்கும் கன்னியாகுமரி மாவட்ட ஆய்வுக் கூட்டத்தை புறக்கணிக்க உள்ளதாக நாகர்கோயில் தொகுதி திமுக சட்டமன்ற உறுப்பினர் சுரேஷ் ராஜன் தெரிவித்துள்ளார். இதுதொடர்பாக செய்தியாளர்களிடம் பேசிய அவர், முதல்வர் பங்கேற்கும் ஆய்வுக் கூட்டம் குறித்து மாவட்டத்தில் உள்ள மக்கள் பிரதிநிதிகளுக்கு இதுவரை தகவல் தரவில்லை என்றார். 

நாகர்கோயில் தொகுதியில் கடந்த ஒன்பது ஆண்டுகளில் எவ்விதமான வளர்ச்சி பணிகளும் மேற்கொள்ளப்படவில்லை என்றும், ஆட்சி முடிவதற்கு ஆறு மாதங்கள் உள்ள நிலையில், இப்போது ஆட்சியாளர்களால் வளர்ச்சிப் பணி மேற்கொள்ள முடியும் என்ற நம்பிக்கை இல்லாததால் முதல்வர் பங்கேற்கும் ஆய்வுக் கூட்டத்தில் பங்கேற்காமல் புறக்கணிப்பதாக தெரிவித்தார்.