"நீட் தேர்வை ரத்து செய்யுங்கள்" - மத்திய அமைச்சருக்கு அமைச்சர் விஜயபாஸ்கர் கடிதம்

நடப்பு கல்வி ஆண்டில் நீட் தேர்வை ரத்து செய்யவேண்டும் என தமிழக சுகாதாரத்துறை அமைச்சர் விஜயபாஸ்கர், மத்திய அமைச்சர் ஹர்ஷவர்தனுக்கு கடிதம் எழுதியுள்ளார். இது தொடர்பாக மத்திய சுகாதார அமைச்சர் ஹர்ஷவர்தனுக்கு அவர் எழுதியுள்ள கடிதத்தில், நாடு முழுவதும் கொரோனா தாக்கம் அதிகரித்து வருவதால் நடப்பு கல்வி ஆண்டில் நீட் தேர்வினை ரத்து செய்ய வேண்டும் என்று கோரிக்கை விடுத்துள்ளார். இது தொடர்பாக பிரதமரிடம் ஏற்கெனவே முதலமைச்சர் வலியுறுத்தியுள்ளதாகவும், அந்த கடிதத்தில் விஜயபாஸ்கர் குறிப்பிட்டுள்ளார்