நெல்லையப்பர் கோயில் ஆனி பெருந்திருவிழா

நெல்லையப்பர் கோவில் ஆனி பெருந்திருவிழாவை முன்னிட்டு சுவாமி நெல்லையப்பர் தங்க பூத வாகனத்திலும். காந்திமதி அம்பாள் வெள்ளி சிம்ம வாகனத்திலும் வீதி உலா வந்து பக்தர்களுக்கு காட்சி அளித்தனர். நெல்லையப்பர் திருக்கோவில் ஆனிப் பெருந்திருவிழா கடந்த 6-ம் தேதி கொடியேற்றத்துடன் தொடங்கியது. இந்நிலையில் மூன்றாம் நாளன்று சுவாமி நெல்லையப்பர் காந்திமதி அம்பாளுக்கு சிறப்பு அபிஷேகம் நடைபெற்றது. இதைத்தொடர்ந்து நடைபெற்ற சுவாமி வீதியுலாவில் திரளான பக்தர்கள் பங்கேற்று தரிசனம் செய்தனர்.