சோமாஸ்கந்தர் சிலை மோசடி விவகாரம் : தேடப்பட்டு வந்த முன்னாள் குருக்கள் கைது

சோமாஸ்கந்தர் சிலை மோசடி வழக்கில், கோயிலின் முன்னாள் குருக்கள் கைது செய்யப்பட்டார். காஞ்சிபுரம் ஏகாம்பரேஸ்வரர் கோவிலில் சோமாஸ்கந்தர் சிலை செய்ததில், முறைகேடு நிகழ்ந்தது கண்டுபிடிக்கப்பட்டது. இந்நிலையில், கோயிலின் முன்னாள் குருக்கள் ராஜப்பாவை, போலீசார் தீவிரமாக தேடி வந்த நிலையில், அவர் வெளிநாட்டில் இருப்பதாக தகவல் தெரியவந்தது. இந்நிலையில், நேற்று கனடாவில் இருந்து மும்பைக்கு திரும்பிய ராஜப்பா தமிழக சிலை திருட்டு தடுப்பு காவல் துறையிடம் மும்பை போலீசார் ஒப்படைந்தனர். அவரை கும்பகோணம் தலைமை குற்றவியல் நீதிபதி மாதவ ராமானுஜன் இல்லத்தில் ஆஜர்படுத்தி திருச்சி மத்திய சிறையில் அடைத்தனர்.