கோவையில் செயின் பறிப்பு போன்ற சம்பவங்களில் ஈடுபட்ட கும்பல் கைது

கோவை அருகே உள்ள பேரூர் போஸ்டல் காலனியை சேர்ந்த ஓய்வுபெற்ற பி.எஸ்.என்.எல். ஊழியர் ராஜகோபால் என்பவரது வீட்டில் கடந்த மாதம் 26-ம் தேதி 80 சவரன் நகை மற்றும் ஒரு லட்சத்து 40 ஆயிரம் ரூபாய் பணம் கொள்ளையடிக்கப்பட்டது. இதேபோல் கடந்த 2-ம் தேதி சந்திர புஷ்பம் என்பவரின் 6 பவுன் செயினை மர்ம நபர்கள் பறித்து சென்றனர். இந்த இரு சம்பவங்கள் குறித்தும் வழக்கு பதிவு செய்த போலீசார் கொள்ளையர்களை தீவிரமாக தேடி வந்தனர். வழக்கில் தொடர்புடைய  கிணத்துக்கடவு பகுதியை சேர்ந்த 4 பேரை பிடித்து விசாரணை நடத்தியதில், 6 பேர் கொண்ட கும்பல் இதுபோல் பல்வேறு திருட்டு சம்பவங்களில் ஈடுபட்டது தெரியவந்தது. இதனையடுத்து அந்த 6 பேரையும் கைது செய்த போலீசார், அவர்களிடமிருந்து ஒரு கார் 50 பவுன் நகை, 1 லட்சத்து 40 ஆயிரம் ரூபாய் பணம் ஆகியவற்றை பறிமுதல் செய்தனர். பின்னர்   6 பேரையும் நீதிமன்றத்தில் அஜர்படுத்தி சிறையில் அடைத்தனர்.