நடிகர் சங்க தேர்தலில் பணத்திற்கு மயங்கி வாக்களிக்க வேண்டாம் : ராதாரவி வேண்டுகோள்

நடிகர் சங்க தேர்தலில் பணத்திற்காக மயங்கி யாரும் வாக்களிக்க வேண்டாம் என நடிகர் ராதாரவி வேண்டுகோள் விடுத்துள்ளார். நடிகர் சங்க தேர்தலை முன்னிட்டு, சேலம் நாடக நடிகர் சங்க நிர்வாகிகளை சந்தித்து, சங்கரதாஸ் சுவாமி அணிக்கு ஆதரவாக வாக்கு சேகரித்தார். முன்னதாக செய்தியாளர்களிடம் பேசிய அவர், நயன்தாராவை பற்றி தாம் இயல்பாக பேசியதாகவும், ஆனால் சினிமா நடிகை பற்றி பேசியதற்கு, திமுகவில் இருந்து விலக்க வேண்டிய காரணம் என்ன என வினவினார். மேலும், நடிகர் சங்க தேர்தலில் காசுக்கு மயங்கி யாரும் வாக்களிக்க வேண்டாம் என நடிகர்களை அவர் கேட்டுக் கொண்டார்.