ஊர் விட்டு ஊர் வந்து தாக்குதல்... பின்னணி என்ன? - வெளிவந்த உண்மை காரணம்

ஊர் விட்டு ஊர் வந்து முதியவர்களை உருட்டுக் கட்டையால் தாக்கிய இளைஞர்ளை போலீசார் கைது செய்தனர்.

ராமநாதபுரம் பழனிவலசை கிராமத்தை சேர்ந்த பெண் ஒருவர் இருசக்கர வாகனத்தில் சென்ற போது வழியில் தன் உறவினர் ஒருவரைப் பார்த்ததால் அவருடன் பேசிக் கொண்டே சென்றுள்ளார்... அப்போது வாழூர் பகுதியில் சில இளைஞர்கள் அவர்களைத் தடுத்து கேலி செய்ததுடன், உடன் வந்த உறவினரை தாக்கியுள்ளனர்... அவர்களிடம் இருந்து தப்பிய அந்த நபர் தன் நண்பர்களுடன் சென்று தகராறு செய்ததாக கூறப்படுகிறது... அதற்கு எதிர்வினையாக கேலி செய்த கும்பல் தங்கள் தரப்பு ஆட்களை அழைத்துக் கொண்டு பழனிவலசைக்குள் நுழைந்துள்ளனர்... தங்களைத் தாக்கியவர்கள் அங்கு இல்லாத நிலையில், ஆயுதங்களுடன் சுற்றித் திரிந்தவர்களைப் பார்த்து யார் நீங்கள் எல்லாம் என விசாரித்த அங்கிருந்த முதியவர்களை சரமாரியாக தாக்கி விட்டு தப்பியோடியுள்ளனர்... இதுகுறித்து தகவலறிந்து வந்த போலீசார் தாக்குதல் நடத்திய 5 பேரையும் கைது செய்து சிறையில் அடைத்தனர்.