மேட்டூர் அணையில் இருந்து தண்ணீர் திறக்க கோரிக்கை : மண்வெட்டி ஏந்தி விவசாயிகள் அரை நிர்வாண போராட்டம்

மேட்டூர் அணையில் உடனடியாக தண்ணீர் திறக்க கோரி, திருச்சி மாவட்ட ஆட்சியர் அலுவலகம் முன்பு, தமிழ்நாடு ஏரி, ஆற்றுப்பாசன விவசாயிகள் சங்கத்தினர் மண்வெட்டி ஏந்தி, அரை நிர்வாண  போராட்டத்தில் ஈடுபட்டனர். மத்திய,மாநில அரசுகள் காவிரி மேலாண்மை ஆணைய உத்தரவுப்படி தண்ணீர் பெற்று தரவேண்டும் எனவும், காவிரி தண்ணீர் பெற்றுத் தரவில்லை என்றால் தமிழக முதலமைச்சர் மற்றும் எம்.பிக்கள் வீடுகளை முற்றுகையிட்டு போராட்டம் நடத்தப்படும் என்றும் அவர்கள் தெரிவித்தனர்.