சென்னை விமான நிலையத்தில் உள்ளாடைக்குள் மறைத்து தங்கம் கடத்தல்

வெளிநாட்டில் இருந்து விமானம் மூலம் தங்கம் கடத்தப்படுவதாக கிடைத்த தகவலை அடுத்து, சென்னை விமான நிலையத்தில் சுங்க இலாகா அதிகாரிகள் தீவிர கண்காணிப்பில் ஈடுபட்டனர். அப்போது கொழும்பு மற்றும் துபாய் ஆகிய இடங்களில் இருந்து வந்த இரு விமான பயணிகளை சோதனை செய்தனர். அதில் மும்பை பெண் உள்பட 25 பயணிகள் முன்னுக்கு பின் முரணாக பேசியதை அடுத்து, அதிகாரிகள் தனி அறையில் அவர்களை சோதனை செய்தனர். அதில், மும்பை பெண் உள்பட 25 பேரும் தங்கள் உள்ளாடைக்குள்  தங்கத்தை மறைத்து வைத்திருந்ததை  அதிகாரிகள் கண்டுபிடித்தனர். அவர்களிடம் இருந்து 2 கோடி ரூபாய் மதிப்புள்ள 6 கிலோ தங்கத்தை பறிமுதல் செய்த அதிகாரிகள், 25 பேரிடமும் தொடர்ந்து விசாரணை நடத்தி வருகின்றனர்.