நீர்நிலை ஆக்கிரமிப்புகளை அகற்றக் கோரி உயர்நீதிமன்ற மதுரை கிளையில் வழக்கு...

* நீர்நிலை ஆக்கிரமிப்புகளை அகற்றக் கோரி மேலூரை சேர்ந்த வழக்கறிஞர் அருண்நிதி, உயர்நீதிமன்ற மதுரை கிளையில் வழக்கு தொடர்ந்தார். 

* அந்த மனுவில், நீர்நிலைகளில் தற்காலிகமாகவோ, நிரந்தரமாகவோ கட்டுமானப் பணிகள் மேற்கொள்ள தடை விதிக்க வேண்டும் எனவும் வலியுறுத்தினார். 

* இந்த மனு நீதிபதிகள் ராஜா, கிருஷ்ணன் ராமசாமி ஆகியோர் அடங்கிய அமர்வு முன் விசாரணைக்கு வந்தது. 

* அப்போது, திருப்பரங்குன்றம், அனுப்பானடி, மேலமடை, செல்லூர் உள்ளிட்ட பெரும்பாலான இடங்களில்,  நீர்நிலைகள் ஆக்கிரமிப்பு உறுதி செய்யப்பட்டுள்ளதாக நீதிபதிகள் தெரிவித்தனர். 

* ஆக்கிரமிப்புகளை அகற்ற குழு அமைப்பது குறித்து விளக்கம் அளிக்க, மதுரை, ராமநாதபுரம், சிவகங்கை, தேனி, திண்டுக்கல் ஆகிய ஐந்து மாவட்ட  ஆட்சியர்கள் வருகிற 11ஆம் தேதி பிற்பகல் 2 மணி 15 நிமிடத்திற்கு ஆஜராக வேண்டும் என நீதிபதிகள் உத்தரவிட்டுள்ளனர்.