சென்னை சத்தியமூர்த்தி பவனில் சிவாஜி நினைவு தினம்

காங்கிரஸ் கட்சியின் தலைமை அலுவலகமான, சென்னை சத்யமூர்த்தி பவனில், சிவாஜி கணேசன் நினைவு தின நிகழ்வு நடைபெற்றது. அவரது படத்திற்கு, காங்கிரஸ் மூத்த தலைவர் குமரி ஆனந்தன், தமிழக காங்கிரஸ் துணைத் தலைவர் வசந்த குமார் மற்றும் காங்கிரஸ் நிர்வாகிகள் மலர் தூவி மரியாதை செலுத்தினர். பின்னர் செய்தியாளர்களை சந்தித்த வசந்த குமார், சிவாஜி மணி மண்டபத்தில் இருக்கும் சிவாஜி சிலையை, வெளிப்புறத்தில் மக்கள் பார்வையில் படும்படி அரசு வைக்க வேண்டும் என வலியுறுத்தினார். இது குறித்து முதலமைச்சரை சந்திக்க உள்ளதாகவும் தெரிவித்தார்.