எதிர்வரும் உலகக்கோப்பை தொடரில் இங்கிலாந்து அணிக்காக விளையாடுமாறு பென் ஸ்டோக்ஸிடம் இங்கிலாந்து கிரிக்கெட் வாரியம் கோரிக்கை வைத்து இருப்பதாக தகவல் வெளியாகி உள்ளது. ஒருநாள் போட்டிகளில் இருந்து கடந்த ஆண்டு ஸ்டோக்ஸ் ஓய்வு பெற்றார். இந்நிலையில், ஸ்டோக்ஸை ஓய்வில் இருந்து திரும்பி வருமாறு இங்கிலாந்து கிரிக்கெட் வாரியம் வலியுறுத்தி உள்ளதாக கூறப்படுகிறது. இங்கிலாந்து ஒருநாள் கிரிக்கெட் பயிற்சியாளர் மேத்யூ மாட்டும், ஸ்டோக்ஸ் திரும்பி வருவார் என நம்பிக்கை தெரிவித்துள்ளார். கடந்த 2019ம் ஆண்டு உலகக்கோப்பை தொடரில் இங்கிலாந்தின் வெற்றிக்கு முக்கிய காரணமாக ஸ்டோக்ஸ் திகழ்ந்தது நினைவுகூரத்தக்கது.