பலத்த அடி வாங்கிய இலங்கை; நமீபியா அபார வெற்றி..! - ஆச்சர்யத்துடன் தொடங்கிய டி20 உலகக்கோப்பை..!

பலத்த அடி வாங்கிய இலங்கை; நமீபியா அபார வெற்றி..! -

ஆச்சர்யத்துடன் தொடங்கிய டி20 உலகக்கோப்பை..!

டி20 உலகக் கோப்பை தொடரின் முதல் போட்டியில் 55 ரன்கள் வித்தியாசத்தில் வெற்றி பெற்று, இலங்கைக்கு நமீபியா அதிர்ச்சி அளித்து உள்ளது.

ஆஸ்திரேலியாவில் 8வது டி20 உலகக் கோப்பை தொடர் இன்று காலை தொடங்கியது.

இதில் குரூப் ஏ பிரிவில் நடந்த சூப்பர்-12 சுற்றுக்கான தகுதிச் சுற்று போட்டியில், முன்னாள் சாம்பியன் இலங்கை நமீபியாவுடன் மோதியது.

கீலாங் நகரில் நடைபெற்ற இந்தப் போட்டியில் டாஸ் வென்ற இலங்கை, பந்துவீச்சை தேர்வு செய்தது.

தொடர்ந்து ஆடிய நமீபியா 20 ஓவர்களில் 7 விக்கெட் இழப்புக்கு 163 ரன்கள் எடுத்தது.

அதிகபட்சமாக ஜேன் ஃப்ரைலின்க் 44 ரன்கள் அடித்தார்.

அடுத்து ஆடிய இலங்கை ஆரம்பம் முதலே விக்கெட்டுகளை இழந்து தடுமாறியது.

முன்வரிசை வீரர்கள் ஒற்றை இலக்கத்தில் வெளியேற, பனுக்கா ராஜபக்சேவும் கேப்டன் ஷனகாவும் சிறிதுநேரம் தாக்குப் பிடித்தனர்.

எனினும், இருவரும் ஆட்டமிழக்க 19வது ஓவரில் 108 ரன்களுக்கு இலங்கை ஆல்-அவுட் ஆனது.

இதன்மூலம் 55 ரன்கள் வித்தியாசத்தில் நமீபியா வெற்றியை ருசித்தது.