ஆசிய விளையாட்டுப் போட்டிகளின் கிரிக்கெட் தொடரில் இந்திய மகளிர் அணி அரையிறுதிக்கு முன்னேறி உள்ளது. சீனாவின் ஹாங்சோ நகரில் நடைபெற்ற காலிறுதி ஆட்டத்தில் இந்தியாவும் மலேசியாவும் மோதின. இதில் முதலில் பேட்டிங் செய்த இந்திய மகளிர் அணி 15 ஓவர்களில் 2 விக்கெட் இழப்புக்கு 173 ரன்கள் சேர்த்தது. பின்னர் மலேசியா பேட்டிங்கை தொடங்கியபோது மழை குறுக்கிட்டது. இதனால் போட்டியை தொடர முடியாமல் போனதால், போட்டி கைவிடப்பட்டது. மேலும், ஐசிசி தரவரிசைப் பட்டியலில் அதிக ரேங்கிங் அடிப்படையில் அரையிறுதிக்கு இந்தியா முன்னேறியது.