ஐசிசி டெஸ்ட் கிரிக்கெட் அணிகளுக்கான தரவரிசைப் பட்டியலில் இந்தியா முதலிடம் பிடித்துள்ளது.
தரம்சாலாவில் நடைபெற்ற இங்கிலாந்துக்கு எதிரான கடைசி டெஸ்ட் போட்டியில் இந்திய அணி இன்னிங்ஸ் மற்றும் 64 ரன்கள் வித்தியாசத்தில் அபார வெற்றி பெற்றது. இங்கிலாந்துடனான தொடரில் தொடர்ச்சியாக 4 வெற்றிகளை வசப்படுத்திய இந்திய அணி, டெஸ்ட் தரவரிசை பட்டியலில் முதலிடத்துக்கு முன்னேறியுள்ளது. தரவரிசைப் பட்டியலில் 122 புள்ளிகளுடன் இந்திய அணி முதலிடத்தில் உள்ளது. 117 புள்ளிகளுடன் ஆஸ்திரேலியா இரண்டாவது இடத்திலும், 111 புள்ளிகளுடன் இங்கிலாந்து மூன்றாவது இடத்திலும் உள்ளன. நியூசிலாந்து மற்றும் தென் ஆப்பிரிக்க அணிகள் முறையே 4 மற்றும் 5வது இடத்தில் உள்ளன