சென்னையில் 50வது வெற்றி ...சிஎஸ்கே அணியின் கொண்டாட்டம் - ஆரவாரத்தில் ரசிகர்கள் பட்டாளம்..

சென்னையில் நடைபெற்ற கடைசி லீக் போட்டி முடிந்த பின், ரசிகர்களை மைதானத்திற்குள் இருக்குமாறு சிஎஸ்கே நிர்வாகம் முன்னதாக வேண்டுகோள் விடுத்திருந்தது. அதன்படி போட்டி முடிந்த பின்பு சிஎஸ்கே அணி நிர்வாகம் சார்பில், சென்னை அணி வீரர்களுக்கு பதக்கங்கள் அணிவிக்கப்பட்டது. சென்னை சேப்பாக்கம் மைதானத்தில் ஐம்பதாவது வெற்றி பெற்றதை பாராட்டும் வகையில் பதக்கங்கள் வழங்கப்பட்டது. தொடர்ந்து சென்னை அணி வீரர்கள் மைதானத்தை சுற்றி வந்து, ரசிகர்களுக்கு நன்றி தெரிவித்தனர். சென்னை அணி வீரர் தோனி, மைதானத்தில் இருந்தபடி டென்னிஸ் பந்துகளை ரசிகர்களுக்கு அன்பளிப்பாக வழங்கினார். தொடர்ந்து கேப்டன் ருத்துராஜ் மற்றும் தோனி ஆகியோர், சேப்பாக்கம் மைதான ஊழியர்களுடன் புகைப்படம் எடுத்துக் கொண்டனர்.