ஒரே நேரத்தில் துடிதுடித்து பலியான 4 பிரபல யூடியூபர்கள் - பேரதிர்ச்சி சம்பவம்

உத்தரப்பிரதேச மாநிலம் காசிப்பூர் மாவட்டத்தை சேர்ந்த சல்மான், ஷாருக், லக்கி மற்றும் ஷாநவாஸ் ஆகிய 4 இளைஞர்கள், யூடியூப் சேனலில், நகைச்சுவை கலந்த வீடியோக்களை தயாரித்து பதிவேற்றம் செய்து வந்தனர். இவர்கள் நால்வரும், தங்களது நண்பர்களின் பிறந்தநாள் கொண்டாட்டத்திற்காக, சொகுசு காரில் உத்தரப்பிரதேச மாநிலத்தில் உள்ள அம்ரோஹா பகுதிக்குச் சென்றுவிட்டு திரும்பிக் கொண்டிருந்தனர். அப்போது எதிரே வந்த கார் மோதி விபத்துக்குள்ளானது. இதில் படுகாயமடைந்த யூடியூபர்கள் நால்வரும் மருத்துவமனையில் அனுமதிக்கப்பட்டு, பின்னர் சிகிச்சை பலனின்றி உயிரிழந்தனர். இந்த விபத்தில் காயமடைந்த மேலும் 6 பேர், மருத்துவமனையில் சிகிச்சை பெற்று வருகின்றனர்.