"நடிகை என்றால் டிவி, விளம்பரம்.. நடிகர் என்றால் அரசியல்.." - விஜய்யை மறைமுகமாக சாடிய ஆவடி நாசர்

திருவள்ளூர் மாவட்டம் ஈக்காடு பகுதியில் நடைபெற்ற திமுக உறுப்பினர்கள் கூட்டத்தில் முன்னாள் அமைச்சர், ஆவடி எம்.எல்.ஏ. நாசர் கலந்துக் கொண்டு பேசினார். அப்போது இந்திரா காந்தி, காமராஜரை எதிர்த்து அரசியல் செய்துவிட்டோம், இவர்கள் எல்லாம் பெரிய ஆளா என விஜயை மறைமுகமாக விமர்சித்தார். சீமான் என்று ஒருத்தர் கத்தி கத்தியே தொண்டை காய்ந்து விட்டார் என்றவர், குங்கும பொட்டாம், சந்தன பொட்டாம், நடுவில் தூங்கு மூஞ்சி பூ வேறு, விளங்குமா என விஜய் கட்சி கொடியை விமர்சித்தார். நடிகைகளாக இருந்தால் சீரியல், மசாலா விளம்பரம் போய்விடுவார்கள், நடிகர்களாக இருந்தால் அரசியலுக்கு வருகிறேன் முதலமைச்சர் ஆகிவிடுவேன் என கிளம்புகிறார்கள் எனவும் விமர்சித்தார்.