பிரதமருக்கு வந்த கவலை.. நம்பிக்கை கொடுத்த இந்தியா
என்டிடிவி உலக உச்சி மாநாடு - 2024, டெல்லியில் நடைபெறுகிறது. இதில் கலந்து கொண்டு பேசிய பிரதமர் மோடி, டிஜிட்டல் தொழில்நுட்பத்தை ஜனநாயகப்படுத்தியதன் மூலம் ஒட்டுமொத்த உலகிற்கே டிஜிட்டல் பொது உள்கட்டமைப்பிற்கான புதிய வழியை இந்தியா காட்டியிருப்பதாக குறிப்பிட்டார். வேலையில்லா திண்டாட்டம், விலைவாசி உயர்வு போன்ற கவலை கொரோனா தொற்று காலத்தில் அதிகரித்ததாக கூறிய பிரதமர் மோடி, சில நாடுகளில் நடைபெறும் போர்கள் அந்த கவலைகளை மேலும் அதிகரிக்கச் செய்ததாக கூறினார். ஒட்டுமொத்த உலகமே நிச்சயமற்ற தன்மையுடன் போராடும் வேளையில், இந்தியா நம்பிக்கையின் ஒளிக்கீற்றாக ஒளிர்ந்து கொண்டிருப்பதாக பிரதமர் பெருமிதம் தெரிவித்தார்.