பசும்பொன் முத்துராமலிங்க தேவர் பிறந்த நாள் - முதல்வர் ஸ்டாலின் நாளை மரியாதை

ராமநாதபுரம் மாவட்டம், பசும்பொன்னில் முத்துராமலிங்க தேவரின் 117 வது பிறந்த நாள், நாளை கொண்டாடப்படுகிறது. இந்த நிலையில், தமிழக முதலமைச்சர் மு.க.ஸ்டாலின் நாளைய தினம் பசும் பொன்னில் அமைந்துள்ள முத்து ராமலிங்க தேவரின் உருவச் சிலைக்கு மாலை அணிவித்து மரியாதை செய்கிறார். அதேநாளில், மதுரை கோரிப்பாளையத்தில் உள்ள பசும்பொன் முத்துராமலிங்கத் தேவர் சிலைக்கும், மதுரை, தெப்பக்குளத்தில் உள்ள மாமன்னர் மருது சகோதரர்கள் திருவுருவச் சிலைக்கும் மாலை அணிவித்து மரியாதை செலுத்துகிறார். பசும்பொன் கிராமத்தில், புதிதாக அமைக்கப்பட்ட முத்துராமலிங்க தேவர் அரங்கத்தினை, முதலமைச்சர் நேற்றைய தினம் காணொலி காட்சி வாயிலாக திறந்து வைத்தார் என்பது குறிப்பிட தக்கது.