``விநாயகர் சதுர்த்தி பிரச்சனையாக உள்ளது; எல்லாம் அதிகார பசி..'' - பிரதமர் மோடி ஆவேசம்

அதிராக பசி கொண்டவர்களுக்கு விநாயகர் சதுர்த்தி பிரச்சனையாக இருப்பதாக, பிரதமர் மோடி விமர்சித்துள்ளார்...

பல்வேறு வளர்ச்சி திட்ட பணிகளை தொடங்கி வைப்பதற்காக, ஒடிசா மாநிலம், புவனேஷ்வருக்கு பிரதமர் மோடி வருகை தந்துள்ளார். இதைத் தொடர்ந்து பொதுமக்களிடையே உரையாற்றிய அவர், விடுதலை போராட்டத்தில் விநாயகர் சதுர்த்தி முக்கிய பங்காற்றியதாக கூறினார். குறிப்பாக ஆங்கிலேயர்கள், நாட்டை பிளவு படுத்த சாதியை பயன்படுத்த நினைத்த போது, விநாயகர் சதுர்த்தி போன்ற பொது நிகழ்ச்சிகளின் மூலம் நாட்டு மக்களின் ஆன்மா தட்டி எழுப்பப்பட்டதாக அவர் நினைவு கூர்ந்தார். மேலும், விநாயகர் பூஜையில் தான் கலந்து கொண்டதை கண்டு காங்கிரஸ் மற்றும் அவர்களின் ஆதரவு கட்சியினர் கிளர்ச்சி அடைந்திருப்பதாக கூறிய மோடி, அதிகார பசியுடையவர்களுக்கு விநாயகர் சதுர்த்தி பிரச்சனையாக இருப்பதாக கூறினார்.