ஹாஸ்டலில் அலறிய பெண்கள்.. ஈரக்குலையை நடுங்கவிடும் காட்சி - எட்டி பார்த்ததால் பலியான தோழி
பெங்களூருவில் கோரமங்களா பகுதியில் பெண்கள் தங்கும் விடுதி உள்ளது. இந்த விடுதியில் தங்கி இருந்த பீகாரை சேர்ந்த கிருத்தி குமாரி என்ற இளம்பெண் கொடூரமாக குத்தி கொலை செய்யப்பட்டார். இந்த சம்பவம் தொடர்பாக வெளியான சிசிடிவி காட்சிகள் அதிர்ச்சியை ஏற்படுத்தியது.
இது குறித்து போலீசார் நடத்திய விசாரணையில், கிருத்தி குமாரியுடன் போபாலை சேர்ந்த கரிமா ராத்தோட்டை மத்தியபிரேதேசத்தை சேர்ந்த அபிஷேக் என்ற இளைஞர் காதலித்து வந்து இருக்கிறார். இதில் கருத்து வேறுபாடு ஏற்பட்டதால் கரிமா ராத்தோட் அபிஷேக்கை விட்டு பிரிந்து இருக்கிறார். இதனால் ஆத்திரமடைந்த அபிஷேக் கடந்த நான்கு நாட்களுக்கு முன் விடுதியில் கத்தியுடன் புகுந்து கரிமாவை கொலை செய்ய வந்து இருக்கிறார். ஆனால் அங்கு கரிமா இல்லாததால் ஆத்திரமடைந்த அபிஷேக், அவரது தோழி கிருத்தியை கத்தியால் சரமாரியாக குத்தி கொலை செய்துவிட்டு தப்பியோடினார். இது தொடர்பு தனிப்படைகள் அமைக்கப்பட்டு அபிஷேக்கை தீவிரமாக தேடி வந்தனர். அவரது செல்போன் சிக்னலை வைத்து சோதனை செய்து மத்தியபிரதேசம் சென்ற போலீசார் அவரது சொந்த ஊரில் வைத்து அவரை கைது செய்தனர்.