கொரோனாவால் ஒரே நாளில் ஆயிரத்து 501 பேர் உயிரிழப்பு

கொரோனாவால் ஒரே நாளில் ஆயிரத்து 501 பேர் உயிரிழப்பு 

இந்தியாவில் இதுவரையில் இல்லாத வகையில் கொரோனாவால் ஒரே நாளில் ஆயிரத்து 501 பேர் உயிரிழந்துள்ளனர்.மத்திய சுகாதாரத்துறை வெளியிட்டுள்ள தகவலில், 24 மணி நேரத்தில்  2 லட்சத்து 61 ஆயிரத்து 500 பேர் புதிதாக பாதிக்கப்பட்டு இருக்கிறார்கள் என தெரிவிக்கப்பட்டுள்ளது.மேலும் ஒரே நாளில் ஆயிரத்து 501 பேர் கொரோனாவால் உயிரிழந்துள்ளனர் என தெரிவிக்கப்பட்டுள்ளது. இந்தியாவில் முதல் அலையில் செப்டமர் 15-ம் தேதி ஆயிரத்து 275 பேர் உயிரிழந்தது தினசரி அதிகப்பட்ச உயிரிழப்பாக இருந்தது. இந்த எண்ணிக்கையை தாண்டி நேற்று உயிரிழப்பு ஆயிரத்து 341 ஆக பதிவானது. தற்போது மீண்டும் புதிய உச்சம் அடைந்துள்ளது.இதனால் நாட்டில் கொரோனாவால் உயிரிழந்தவர்கள் மொத்த எண்ணிக்கை 1 லட்சத்து 77 ஆயிரத்து 150 ஆக அதிகரித்துள்ளது. மேலும் 1 லட்சத்து 38 ஆயிரத்து 423 பேர் தொற்றில் இருந்து மீண்டிருக்கிறார்கள் என்றும் சிகிச்சை பெற்று வரும் நோயாளிகளின் எண்ணிக்கை 18 லட்சத்து ஆயிரத்து 316 ஆக அதிகரித்துள்ளது என்றும் மத்திய சுகாதாரத்துறை தெரிவித்துள்ளது. மேலும், நாடு முழுவதும் 12 கோடியே 26 லட்சத்து 22 ஆயிரத்து 590 பேருக்கு தடுப்பூசி போடப்பட்டுள்ளது என தகவல் தெரிவிக்கப்பட்டுள்ளது.