பள்ளி மாணவர்கள் தினந்தோறும் தண்ணீர் சுமக்கும் அவலம்

கர்நாடக மாநிலம், கொப்பல் நகரில் உள்ள மடிநூர் அரசு பள்ளி மாணவர்கள் தினந்தோறும் தண்ணீர் சுமக்கும் வீடியோ வெளியாகி அதிர்ச்சியை ஏற்படுத்தியுள்ளது. கர்நாடக மாநிலம், கொப்பல் நகரில் உள்ள மடிநூர் அரசு உயர்நிலைப்பள்ளியில் படிக்கும் இளம் மாணவர்கள் தினந்தோறும் பள்ளிக்கு தேவையான குடிநீரை தள்ளு வண்டியில் வைத்து சுமந்து செல்கின்றனர். பள்ளியில் குடிநீர் குழாய் இல்லாத காரணத்தினால் அப்பள்ளி தலைமை ஆசிரியர் நாராயணப்பா தினந்தோறும் மாணவர்களை தண்ணீர் எடுத்து வர உத்திரவிட்டுள்ளார். மேலும் தண்ணீர் எடுத்து வர மறுக்கும் மாணவர்களுக்கு தண்டனையும் கொடுக்கப்படுவதாக தண்ணீர் சுமக்கும் மாணவர்கள் தெரிவித்துள்ளனர். தலைமை ஆசிரியரின் நடவடிக்கைக்கு கண்டனம், வலுத்து வருகிறது.