கடன் தள்ளுபடி கோரிக்கையை வலியுறுத்தி...விவசாயிகள் பிரமாண்ட பேரணி...
பல்வேறு கோரிக்கைகளை வலியுறுத்தி டெல்லி நோக்கி பேரணியாக செல்ல முயன்ற விவசாயிகளை, எல்லையிலேயே போலீஸார் தடுத்து, தண்ணீரை பீய்ச்சி அடித்தும், கண்ணீர் புகை குண்டுகளை வீசியும் விரட்டி அடிக்க முயன்றதால் பதற்றம் நிலவுகிறது.
* விவசாய கடன் தள்ளுபடி உள்ளிட்ட கோரிக்கைகளை வலியுறுத்தி, பாரதிய கிசான் சங்கத்தைச் சேர்ந்த விவசாயிகள், பேரணியாக டெல்லி நோக்கி புறப்பட்டனர். உத்தரபிரதேச மாநிலத்தில் இருந்து புறப்பட்ட அவர்கள், டிராக்டர் உள்ளிட்ட வாகனங்களிலும், நடை பயணமாகவும் சென்றனர்.
* டெல்லியின் தெற்கு பகுதியில் கூடி, போராட்டம் நடத்த திட்டமிட்டிருந்த அவர்களை, போலீஸார் டெல்லி- உத்தரபிரதேச மாநில எல்லையான காசியாபாத் பகுதியிலேயே தடுத்து நிறுத்தினர்.
* சாலை முழுவதும் தடுப்புகளை போட்டும், தண்ணீரை பீய்ச்சியும் அவர்களை
போலீஸார் விரட்ட முயன்றனர். இதையடுத்து, தடுப்புகளை தாண்டிச் செல்ல முயன்றவர்கள் மீது கண்ணீர் புகை குண்டுகளை வீசியும், தடியடி நடத்தியும் போலீஸார் விரட்டினர். இதனால் அங்கு பரபரப்பான சூழல் நிலவுகிறது.