கதறி அழுத பிரியங்கா சோப்ரா... வெளியான காரணம்
விஜய்யின் தமிழன் படத்தில் நடிக்க ப்ரியங்கா சோப்ரா முதலில் தயங்கியதாக, அவரது தாயார் மது சோப்ரா தெரிவித்துள்ளார். தனியார் ஊடகத்திற்கு பேட்டியளித்துள்ள அவர், உலக அழகி பட்டம் வென்ற பின்பு தமிழன் படத்தில் நடிக்க வாய்ப்பு வந்ததாகவும், ஆனால் மாடலிங்கில் செல்ல விரும்பியதால் அந்த படத்தில் நடிக்க விருப்பமில்லை என்று கூறி ப்ரியங்கா சோப்ரா அழுததாகவும் தெரிவித்தார். ஆனால் தனது வற்புறுத்தலின் பேரில் பிரியங்கா சோப்ரா தமிழன் படத்தில் நடித்ததாக தெரிவித்த அவர், படப்பிடிப்பில் கலந்து கொண்ட பின்பு சினிமா மீது பிரியங்கா சோப்ராவுக்கு ஆர்வம் அதிகரித்ததாகவும் குறிப்பிட்டுள்ளார். தமிழன் படத்தையடுத்து பாலிவுட் படங்களில் நடித்த பிரியங்கா சோப்ரா, இந்திய சினிமாவின் முன்னணி நடிகையாக இருப்பது குறிப்பிடத்தக்கது.