நடிகர் ரஜினிகாந்தின் அண்ணன் சத்ய நாராயண ராவ், மாம்பழ திருடி என்ற திரைப்படம் மூலம் நடிகராக அறிமுகமாகிறார். இத்திரைப்படக் குழுவினரின் பத்திரிகையாளர் சந்திப்பு சென்னை, சேப்பாக்கத்தில் நடைபெற்றது. அப்போது, இப்படத்தில் சத்திய நாராயண ராவை நடிக்க விடாமல் பலர் தடுக்க முயன்றதாக படத்தின் இயக்குநர் ரசீம் கூறினார். மேலும், சேலம் ஆர் ஆர் பிரியாணி நிறுவனத்தின் உரிமையாளர் தமிழ்ச்செல்வனை தலைவராக கொண்டு, ஆர் ஆர் சர்வதேச தமிழ் படம் பேக்ட்டரி எனும் நிறுவனத்தை தொடங்கி உள்ளதாகவும், இதன் மூலம் வெளிநாடுகளில் சிறிய பட்ஜெட் படங்களை வெளியிட முயற்சி மேற்கொள்ளப்படும் எனவும் நிகழ்வில் தெரிவிக்கப்பட்டது.