"உழைப்பு இருந்தால் நினைத்த‌தை அடைய முடியும்" - `தினத்தந்தி' சார்பில் வெற்றி நிச்சயம் நிகழ்ச்சி

தமிழகத்தில் 12ம் வகுப்பு பொதுத்தேர்வுகள் நிறைவடைந்துள்ள நிலையில், உயர்கல்வியில் சேர மாணவ-மாணவிகள் ஆர்வம் காட்டி வருகின்றனர். இந்நிலையில், உயர்கல்வி மற்றும் வேலை வாய்ப்பு குறித்து மாணவர்கள் அறிந்து கொள்வதற்கு வசதியாக 'வெற்றி நிச்சயம்' என்ற நிகழ்ச்சியை வேலூரில் தினத்தந்தி நாளிதழ் நடத்தியது. வி.ஐ.டி. வளாகத்தில் நடைபெற்ற இந்த நிகழ்ச்சியில் வேலூர் ஆட்சியர் சுப்புலெட்சுமி, வி.ஐ.டி. வேந்தர் விசுவநாதன் உள்ளிட்டோர் கலந்து கொண்டனர். விழாவில் பேசிய வேலூர் ஆட்சியர் சுப்புலெட்சுமி, மாணவர்கள் கல்வியோடு திறமைகளையும் சேர்த்து, வளர்த்து கொள்ள வேண்டும் என கேட்டுக்கொண்டார்.