ஒரே ஸ்கூட்டியில் 3 சிறுமிகள்...தூக்கி வீசப்பட்டு பறிபோன உயிர்கள் - திருச்சியில் அதிர்ச்சி

திருச்சியில் ஒரே ஸ்கூட்டியில் 3 பேர் சென்ற நிலையில் விபத்துக்குள்ளாகி, இரண்டு சிறுமிகள் பலியாகினர்.

நாமக்கல் மாவட்டத்தை சேர்ந்த மூன்று சிறுமிகள் ஒரே ஸ்கூட்டியில், திருச்சி மாவட்டம் தொட்டியத்திற்கு சென்றனர். பிறகு, மீண்டும் நாமக்கல்லுக்கு திரும்பினர். இவர்களது ஸ்கூட்டி ஏலூர்பட்டி அருகே வரும்போது கட்டுப்பாட்டை இழந்து சாலையோர தடுப்பில் மோதியது. இதனால் மூன்று பேரும் தூக்கி வீசப்பட்டனர். இதில் 16 வயது சிறுமி டயானா சம்பவ இடத்திலேயே பலியானார். 15 வயது சிறுமி நிதிக்‌ஷா மருத்துவமனைக்கு செல்லும் வழியில் உயிரிழந்தார். பலத்த காயம் அடைந்த 17 வயது சிறுமி பிரதிக்க்ஷா, தனியார் மருத்துவமனையில் அனுமதிக்கப்பட்டுள்ளார். இந்த விபத்து குறித்து காட்டுப்புத்தூர் போலீசார் விசாரித்து வருகின்றனர்.